უმრავლესობის წევრი, დავით მათიკაშვილი „ქრონიკაში“ გამოცემა Euractiv-ის სტატიას გამოეხმაურა, რომლის მიხედვითაც, „ევროპის სახალხო პარტია“ ევროკავშირში არასამთავრობო სექტორში უცხოელ აგენტთა რეესტრის შექმნას ითხოვს.
„ფაქტობრივად იდენტური შემოთავაზება და სურვილები გამოთქვეს საქართველოში „ხალხის ძალამ“ და ევროკავშირში „ევროპის სახალხო პარტიამ“. შინაარსი ფაქტობრივად იდენტურია. ის, ფაქტი, რომ არასამთავრობო ორგანიზაციების დაფინანსება უნდა იყოს გამჭვირვალე, ის, რომ საზოგადოებამ კარგად უნდა იცოდეს, რა წყაროებით ხდება არასამთავრობო ორგანიზაციების დაფინანსება და რეალურად ვინ დგას ამ ფულადი რესურსების უკან, ეს არის სიმართლე და ეს ასე უნდა იყოს. დანარჩენი მიდგომები, რაც ამ კანონთან დაკავშირებით არსებობს, ეს პუნქტობრივად განსახილველი და შესასწავლია“, – აღნიშნა დავით მათიკაშვილმა.
Euractiv-ის ინფორმაციით, „ევროპის სახალხო პარტია“ ევროკავშირში არასამთავრობო სექტორში უცხოელ აგენტთა რეესტრის შექმნას ითხოვს.
14 თებერვალს „ხალხის ძალამ“ საქართველოს პარლამენტში „უცხოური გავლენის გამჭვირვალობის შესახებ“ კანონპროექტი დააინიცირა.