პარასკევს, 31 მარტს, ალექსანდრე ლუკაშენკომ ბელარუსი ხალხისა და პარლამენტისადმი ყოველწლიური გამოსვლისას თქვა, რომ ბელარუსში არატრადიციული სექსუალური ორიენტაციის „საკმარისი“ ხალხია და ბევრი გეი მუშაობს ხელისუფლებაში და ის თავადაც კმაყოფილია მათი მუშაობით.
„ღმერთმა ქნას, „არა გეიებმა“ ისე იმუშაონ, როგორც მათ. ასე რომ, გულწრფელად გეუბნებით, არც ერთი უარყოფითი დახასიათება არ ყოფილა გეების მიმართ – სხვადასხვა მიმართულებით გადავამოწმე“, – განაცხადა ლუკაშენკომ.
ამასთან, მან თქვა, რომ პირადად გეებს „საზიზღრად“ თვლის, თუმცა ქალებს ერთქსესიან ურთიერთობას „პატიობს“.
„მე, როგორც პრეზიდენტი, ვაპატიებ გოგოებს. ამ ბრალს ჩემს თავზე ვიღებ და თქვენც გაკისრებთ. ესე იგი, ჩვენ, მამაკაცებს სადღაც რაღაც გამოგვრჩა, სადღაც ბოლომდე ვერ ვიმუშავეთ”, – თქვა მან.
კომენტარები