საპარლამენტო უმრავლესობის დეპუტატი, ირაკლი ჩიქოვანი პრემიერმინისტრ ირაკლი ღარიბაშვილისა და მოსამართლეების შეხვედრას ეხმაურება, რომელიც ამერიკის მიერ საქართველოს ოთხი მოსამართლის დასანქცირებას ეხებოდა.
მისი შეფასებით, მნიშვნელოვანია, როცა ხელისუფლების ორ შტოს შორის დიალოგი არსებობს.
„ძალიან მნიშვნელოვანია, როდესაც ხელისუფლების ორი შტოს წარმომადგენლები ერთმანეთს ხვდებიან და დიალოგი არსებობს, თუმცა, მიზეზები, რის გამოც ეს შეხვედრა გახდა აუცილებელი, რა თქმა უნდა, არის აბსოლუტურად მიუღებელი. სასამართლოში არის კლანი, რომ ხელისუფლებას დაქვემდებარებული ჰყავს სასამართლო, რომ „ქართული ოცნება“ არის პრორუსული ძალა და ა.შ – ამ ნარატივს საზოგადოებაში არ აქვს არანაირი გამოხმაურება და მხარდაჭერა. ჩვენ გვაქვს კონკრეტული გეგმა, რომელიც მიზნად ისახავს, საბოლოოდ, ჩვენი ქვეყნისთვის ევროკავშირის წევრობას“, – განაცხადა ჩიქოვანმა.