“ ევროპის სასამართლო ამბობს, რომ ადამიანი დამნაშავეა და იმას აჯილდოებენ”

ორი დღის წინ დემოკრატიის კვლევის ცენტრმა დადო პოზიტიური შეფასება ქართულ მართლმსაჯულებაზე და ამ ფონზე ამერიკა სანქციებს უწესებს ქართველ მოსამართლეებს, – ამის შესახებ „ხალხის ძალის“ წევრმა, გურამ მაჭარაშვილმა განაცხადა.

„ორი დღის წინ დემოკრატიის კვლევის ცენტრმა დადო პოზიტიური შეფასება ქართულ მართლმსაჯულებაზე და ამ ფონზე ამერიკა სანქციებს უწესებს ქართველ მოსამართლეებს, როდესაც თავად საერთაშორისო ინსტიტუტი ამბობს, რომ კარგი მდგომარეობაა. ევროპის სასამართლო ამბობს, რომ ადამიანი დამნაშავეა და იმას აჯილდოებენ – ამას საზოგადოება ხომ ხედავს?“, – აცხადებს მაჭარაშვილი.

საქართველოს ყოფილმა პრეზიდენტმა, მიხეილ სააკაშვილმა სოციალურ ქსელში დაწერა, რომ თავისუფლებისთვის ბრძოლაში შეტანილი წვლილისთვის პოლონეთის ერთ-ერთი უმაღლესი ჯილდო – „პრომეთეს ჯილდო“ გადაეცემა.