“ამ განცხადებას არ ახლდა რაიმე არგუმენტირებული მტკიცებულება”

„ქრონიკა“ შტატებიდან რამდენი დღის წინ ჩამოსულ ერთ-ერთ მოსამართლეს დაუკავშირდა. კითხვაზე – რას ფიქრობს ლევან მურუსიძის, მიხეილ ჩინჩალაძის ირაკლი შენგელიასა და ვალერი ცერცვაძისთვის აშშ-ის მხრიდან წაყენებულ ბრალდებაზე – მიხეილ ბებიაშვილი ასე პასუხობს:

„[აშშ-ის დეპარტამენტის] ამ განცხადებას არ ახლდა რაიმე არგუმენტირებული მტკიცებულება, ყოველ შემთხვევისთვის მე ეს არ მინახავს და არ მომისმენია“, – აცხადებს მოსამართლე.

აშშ-ის სახელმწიფო დეპარტამენტი საქართველოს სასამართლო სისტემის 10 წარმომადგენელს, ტრენინგზე მასპინძლობს. „შეერთებული შტატები ამაყობს, რომ მხარს უჭერს საქართველოს შრომისმოყვარე, კეთილსინდისიერ, პროფესიონალ მოსამართლეებს, – ამ განცხადებით აჯამებს აშშ-ის საელჩო ქართველ მოსამართლეთა სამუშაო ვიზიტს.