ნებისმიერ სხვა დარგში რომ მიეღო სააკაშვილს პრემია, ისე ცინიკურად არ იქნებოდა აღქმული საქართველოში, როგორც დემოკრატიისა და ადამიანის უფლებების განვითარებაში შეტანილი წვლილისთვის, – ამის შესახებ საპარლამენტო უმრავლესობის წევრმა, მიხეილ სარჯველაძემ განაცხადა.
„როდესაც ფოტიგა ან ვინმე სააკაშვილის თემაზე აკეთებს განცხადებას და ამბობს, რომ არის დატყვევებული, მან აუცილებლად პასუხი უნდა გასცეს გირგვლიანის ოჯახს, სტრასბურგის სასამართლოს, რომელსაც ნათქვამი აქვს პასუხი ამ ყველაფერზე და გირგვლიანის თემა შეფასებული აქვს. ნებისმიერ სხვა დარგში რომ მიეღო ამ კაცს პრემია, ისე ცინიკურად არ იქნებოდა აღქმული საქართველოში, როგორც მაშინ, როცა საუბარი გვაქვს დემოკრატიისა და ადამიანის უფლებების განვითარებაში შეტანილი წვლილისთვის. ვისაც უბრალოდ კადრი ახსოვს „იმედში“ რა მოხდა, არ შეიძლება ნორმალურად აღიქვამდეს გარემოებას, რომ სააკაშვილს გადასცემენ ჯილდოს დემოკრატიის განვითარებაში შეტანილი წვლილისთვის“,– განაცხადა სარჯველაძემ.
საქართველოს ყოფილ პრეზიდენტს, მიხეილ სააკაშვილს თავისუფლებისთვის ბრძოლაში შეტანილი წვლილისთვის პოლონეთის ერთ-ერთი უმაღლესი ჯილდო – „პრომეთეს ჯილდო“ გადაეცა.