მე არ მახსენდება, რომ BBC-ის მიერ ჩატარებული ჟურნალისტური გამოძიება აღმოჩენილიყო დაყრდნობილი რაიმე ჰაერიდან მოტანილ არგუმენტებზე. ის, როგორც ყოველთვის, 99%-იანი სიზუსტით სრულდება, – ამის შესახებ „ქრონიკის“ ეთერში საპარლამენტო უმრავლესობის წევრმა, ბექა ოდიშარიამ განაცხადა.
„ჩვენ ისედაც ვიცოდით, რომ კეზერაშვილი პერმანენტულად ერეოდა ქართულ პოლიტიკაში – ჩრდილოვანი წესით, შავი ფულით, არაკანონიერი გზებით მოპოვებული ფულით აფინანსებდა ის „ფორმულად“ წოდებული „ფეიკკანტორის“. მე ვფიქრობ, რომ მას იმთავითვე ჰქონდა შემუშავებული ე.წ. დამცავი სქემა იმისათვის, რომ როდესაც მას ამხელდნენ საზოგადოებისთვის უკვე ნაცნობ დანაშაულებში და ის წარდგებოდა მართლმსაჯულების წინაშე, ან მას ამხელდა დასავლური მედიის ფლაგმანი, მას დასჭირდებოდა ე.წ. კვაზიინსტიტუციები, თუმცა ვეჭვობ, რომ ამ ყველაფერმა კეზერაშვილის დანაშაულებრივ ხაზს უშველოს. მინდა დავიცვა უდანაშაულობის პრეზუმფცია, თუმცა ასეთი ტიპის დანაშაულების ზნე ისეთია, რომ ისინი ჩვეულებას ვერ იცვლიან. მე ძალიან კარგად მახსოვს არაერთი განადგურებული დარეკეტებული კომპანია, თუმცა ესეც რეკეტია, უბრალოდ ბინძური, მზაკვრული, არაადამიანური ძარცვა სიკვდილის პირას მყოფი ადამიანების. მე არ მახსენდება, რომ BBC-ის მიერ ჩატარებული ჟურნალისტური გამოძიება აღმოჩენილიყო დაყრდნობილი რაიმე ჰაერიდან მოტანილ არგუმენტებზე. ის, როგორც ყოველთვის, 99%-იანი სიზუსტით სრულდება“, – აცხადებს ოდიშარია.