მომღერალმა ნინი ბადურაშვილმა “იმედის დილაში” ის ჭორები გაიხსენა, რომლებიც თავის თავზე მოუსმენია.
“ზოგადად, ბედი მაქვს ასეთი, რომ ასი კაცი რომ წასულიყო “შატალოზე”, მაინც ჩემი გვარი ისმოდა. საერთოდ რომ არ ვყოფილიყავი რაღაც ადგილებში, ისიც კი დაუბრალებიათ. აქედან გამომდინარე, შეჩვეული ვარ, ეტყობა, ასე უნდა ყოფილიყო-მეთქი ვამბობდი, როცა ჩემზე ჭორს ვიგებდი. თუმცა ყოფილა ჭორები რომელსაც ძალიან გავუღიზიანებივარ. როცა იცი, რომ არაა მართალი, არ ბრაზდები. მაგრამ რამდენიმე წლის წინ გავრცელდა ჭორი, რომელმაც კინაღამ წყობიდან გამომიყვანა. მაბრალებდნენ, რომ ვიღაც ქალი გავიტანე, რომელიღაც ჟურნალისტი მირეკავდა და მეუბნებოდა, გუშინ ქალი რომ გაიტანე, ვანო მერაბიშვილმა გადაგატანინაო. მიმტკიცებდა, რომ დაზარალებულის ოჯახიდან მოდიოდა, ხალხი ტირის და შენ გადებს ხელსო. კინაღამ წყობიდან გამოვედი. გამიგია, რომ ჭორაობდნენ ვიღაცასთან დადიხარ, ვიღაცის საყვარელი ხარ, მაგრამ ასეთი საშინელების დაბრალება და იმაზე საუბარი, რომ დანაშაულის ადგილიდან მიმმალეს, წარმოუდგენელია. ვიღაცებს სჯეროდათ და მიწერდნენ, შე, მკვლელოო“, – ამბობს ნინი.