თეთრი სახლი აცხადებს, რომ კახოვკის ჰიდროელექტროსადგურზე თავდასხმაზე, რომელიც რუსების კონტროლის ქვეშ იყო, რუსეთია პასუხისმგებელი. განცხადება ბრიფინგზე სპიკერმა კარინ ჟან-პიერმა გააკეთა.
თეთრი სახლის პრესმდივანმა განაცხადა, რომ აშშ აგრძელებს ჰიდროელექტროსადგურის განადგურების მიზეზების შეფასებას.
“ეს კაშხალი იყო რუსეთის კონტროლის ქვეშ და მათ ეკისრებათ პასუხისმგებლობა ამ ომის შედეგად გამოწვეულ ნგრევაზე. ჩვენ ყველაფერს გავაკეთებთ, რომ მხარი დავუჭიროთ უკრაინელ ხალხს ამ რთულ დროს”, – თქვა კარინ ჟან-პიერმა.
ცნობისთვის, 6 ივნისს რუსებმა ააფეთქეს კახოვკის ჰიდროელექტროსადგური, გაანადგურეს ძრავის ოთახი და კაშხალი. წყალმა დასახლებების დატბორვა დაიწყო, რის გამოც მოსახლეობის ევაკუაცია მიმდინარეობს. წყლის დაღვრა საფრთხეს უქმნის ზაპოროჟიეს ატომური ელექტროსადგურის უსაფრთხოებასაც.