რუსეთის საოკუპაციო ჯარების 90-მდე სამხედრო მოსამსახურემ ლუგანსკის რეგიონში თვითნებურად დატოვა საბრძოლო პოზიციები და გაიქცნენ – ინფორმაციას უკრაინის შეიარაღებული ძალების გენერალური შტაბი ავრცელებს.
„რუსეთის საოკუპაციო ძალების 90-მდე სამხედრო მოსამსახურე დეზერტირდა ლუგანსკის ოლქში,
არაპოვკაში და ნებართვის გარეშე დატოვა საბრძოლო პოზიციები“, – ნათქვამია მოხსენებაში.
საოკუპაციო არმიის სამხედროების გაქცევის შესახებ ომის დაწყების შემდეგ არაერთი ცნობა გავრცელებულა. ერთ-ერთი ასეთი შემთხვევა იყო აპრილში, ასევე ლუგანსკის ოლქში, როდესაც 50-მდე ოკუპანტმა საბრძოლო პოზიციები დატოვა და გაიქცა.
კომენტარები