უკრაინამ რუსეთის ტყვეობიდან 95 მებრძოლი, მათ შორის „აზოვსტალის“ დამცველები დაიბრუნა. გათავისუფლებულებს შორისაა უკრაინის შეიარაღებული ძალების 51 წარმომადგენელი. მათ შორის თავდაცვის ძალების 15, ეროვნული გვარდიის 29 წევრი, 11 მესაზღვრე და ოთხი სამხედრო მეზღვაური. მათგან ორი ოფიცერია, დანარჩენები კი – რიგითები და სერჟანტები.
საკოორდინაციო შტაბში აცხადებენ, რომ შესაძლებელი გახდა დამცველების დაბრუნება, რომლებიც კერძო სამხედრო დაჯგუფება „ვაგნერის“ და ქვედანაყოფ „ახმატის“ ტყვეობაში იმყოფებოდნენ. ტყვეთა გაცვლის მორიგ ეტაპზე უკრაინამ რუსეთს 100 ჯარისკაცი გადასცა.
კომენტარები