უკრაინის პრეზიდენტს, ვოლოდიმირ ზელენსკისა და პოლონეთის პრეზიდენტს, ანჯეი დუდას შორის სატელეფონო საუბარი გაიმართა. აღნიშნულის შესახებ ვოლოდიმირ ზელენსკი „ტელეგრამზე“ წერს.
„ანჯეი დუდასთან, როგორც ყოველთვის, ნაყოფიერი საუბარი მქონდა. ვისაუბრეთ ვილნიუსში ნატო-ს სამიტის მოლოდინებზე. ჩვენ გვესმის ალიანსის გადამწყვეტი ნაბიჯების მნიშვნელობა უკრაინის უსაფრთხოების გარანტიებთან დაკავშირებით“, – წერს ზელენსკი.
ზელენსკის თქმით, პოლონეთისა და უკრაინის ლიდერებმა ასევე განიხილეს, რა საჭიროებები აქვს უკრაინას ფრონტის ხაზზე. ზელენსკიმ ასევე მადლობა გადაუხადა პოლონეთს ძლიერი მხარდაჭერისთვის.
კომენტარები