საქართველოს ჯანდაცვის მინისტრის, ზურაბ აზარაშვილის განცხადებით, კანონპროექტში უკვე არსებობს ჩანაწერი იმის შესახებ, რომ ქვეყანაში სუროგაციასთან და ინ ვიტრო განაყოფიერებასთან დაკავშირებული რეკლამები აიკრძალება.
მისივე თქმით, კანონის გზით საკითხთან დაკავშირებით პროცესები დარეგულირდება.
„კანონპროექტში არის ჩანაწერი, რომ ყველანაირი ამ ტიპის რეკლამა იკრძალება ქვეყანაში. ალბათ ხშირად შეგხვედრიათ სოციალური ქსელებით და სხვადასხვა საშუალებით ქუჩებში, მეტროებში შეთავაზებებია როგორც ქვეყნის შიგნით, ისე ქვეყნის გარეთ სუროგაციასთან, ინ ვიტრო განაყოფიერებასთან დაკავშირებით. კანონით სამწუხარო პრაქტიკა დარეგულირდება“, – განაცხადა ზურაბ აზარაშვილმა.
კომენტარები