შვედეთი მხარს უჭერს საქართველოსთვის ევროკავშირის კანდიდატის სტატუსის მინიჭებას,- ამის შესახებ შვედეთის საგარეო საქმეთა მინისტრმა, ტობიას ბილსტრომმაპოლონეთში გამართულ პრესკონფერენციაზე ისაუბრა.
„ჩვენ ერთობლივად ვუჭერთ მხარს უკრაინისა და მოლდოვას მისწრაფებებს, რომ დაიწყოს ევროკავშირში გაწევრიანებაზემოლაპარაკებები ამ წლის ბოლომდე. ჩვენ გვსურს, რომ საქართველომ გამოიყენოს თავისი შანსი და გახდეს კანდიდატი ქვეყანა“, – აღნიშნა ბილსტრომმა.
დიპლომატი არ გამორიცხავს, რომ შვედეთმა უკრაინას საჭიროების შემთხვევაში დახმარებაც გაუწიოს.
„ჩვენ არ გამოვრიცხავთ რაიმე სახის დახმარებას უკრაინისამდი მომავალში. ჩვენ უნდა დავდგეთ უკრაინის გვერდით, იმდენს ხანს, ვიდრე ისინი გამარჯვებას არ მოიპოვებენ, გადამწყვეტ გამარჯვებას რუსეთის წინააღმდეგ ბრძოლის ველზე, რომელიც ერთადერთი გზაა ამ ომის დასასრულებლად“,- ამბობს ტობიას ბოლსტრომი.
ამასთან, შვედეთის საგარეო საქმეთა მინისტრმა ისაუბრა რუსეთის წინააღმდეგ დაწესებული სანქციების მე-11 პაკეტზეც და აღნიშნა, რომ ამ თემაზე მუშაობა ისევ მიმდინარეობს. მე-11 პაკეტი შეიცავს არა მხოლოდ ახალ სანქციებს, არამედ წინა სანქციების ხარვეზების გამოსწორების საშუალებებსაც, რაც გულისხმობს შეზღუდვების გვერდის ავლითი გზების გამოყენების თავიდან აცილებას.