დასავლური მედია უკრაინის არმიის მხრიდან ფრანგული და გერმანული ჯავშანტექნიკის დანაკარგებზე წერს. „ვაშინგტონ პოსტის“ ინფორმაციით, უკრაინის შეიარაღებული ძალების 37-ე ბრიგადამ დასავლურ ტექნოლოგიაში გაწვრთნილი ეკიპაჟებით, დიდი დანაკარგი განიცადა რუსეთს არმიის თავდაცვის გარღვევის დროს.
გავრცელებული ცნობით, შეტევის პირველი საათნახევრის განმავლობაში რუსებმა დაბომბეს 37-ე ბრიგადის ქვედანაყოფები უწყვეტი საარტილერიო ცეცხლით, რომლის დროსაც ფრანგული AMX-10 RC ჯავშანტექნიკა განადგურდა.
უკრაინელი სამხედროები „ვაშინგტონ პოსტთან“ საუბარში აცხადებენ, რომ 37-ე ბრიგადის იერიშები საბოლოოდ დაეხმარა სხვა უკრაინულ ბრიგადებს დონეცკის ოლქის ოთხი სოფლის გათავისუფლებაში.
პარალელურად, გერმანული „ტაგესშპიგელი“ წერს, რომ რუსეთის არმიის თავდასხმის შემდეგ, უკრაინის არმიის 47-ე მექანიზებულმა ბრიგადამ ზაპოროჟიეს რეგიონის სოფელ მალა ტოკმაჩკასთან დასავლური სამხედრო მანქანები, მათ შორის გერმანული „ლეოპარდ 2A6“ ტანკი დაკარგა.