ესტონეთის პარლამენტმა ერთნაირსქესიანთა ქორწინების ლეგალიზებას დაუჭირა მხარი. ამის შესახებ ადგილობრივი მედია იტყობინება.
მიღებული დოკუმენტის თანახმად, ესტონეთში დაქორწინებას 2 ზრდასრული ადამიანი მათი გენდერის მიუხედავად შეძლებს. ამასთან, ახალი კანონი ერთნაირსქესიან წყვილებს ბავშვების შვილად აყვანის შესაძლებობას აძლევს.
კანონპროექტს მხარი პარლამენტის 55-მა წევრმა დაუჭირა, 34 კი წინააღმდეგი იყო. კანონი ძალაში 2024 წლის 1-ლი იანვრიდან შევა.
ამასთან, გადაწყვეტილებას ესტონეთის პრემიერ-მინისტრი, კაია კალასი Twitter-ზე გამოეხმაურა და პარლამენტის გადაწყვეტილებას ისტორიული უწოდა.
„ვამაყობ ჩემი ქვეყნით. ჩვენ ვაშენებთ საზოგადოებას, სადაც ყველას უფლებებს პატივს სცემენ და ადამიანებს თავისუფლად შეუძლიათ სიყვარული“, – წერს კალასი.
It's official: #Estonia has legalised marriage equality. We join other Nordic nations with this historic decision.
I'm proud of my country. We're building a society where everyone’s rights are respected and people can love freely.
The decision will enter into force from 2024. pic.twitter.com/tQJdO70eEo
— Kaja Kallas (@kajakallas) June 20, 2023