ყოფილმა პირველმა ლედიმ, სანდრა რულოვსმა დღეს სოციალურ ქსელში ვიდეო გამოაქვეყნა, რომელშიც ის თბილისში, მშვიდობის ხიდზე ვიოლონჩელოთი საქართველოს ჰიმნსს უკრავს.
მოგვიანებით სანდრამ ვიოლონჩელოს და მუსიკის მიმართ განსაკუთრებულ სიყვარულზე ისაუბრა და აღნიშნა, რომ მისი საყვარელი ინსტრუმენტი თავდაპირველად მიხეილ სააკაშვილმა დაბადების დღეზე აჩუქა.
“მშვიდობის ხიდზე გადაღებული კლიპის მომზადებაში მეხმარებოდნენ ერთგული მეგობრები ზურა და ზვიო (ვიდეო), დათო და გიორგი (აუდიო) და ჩემი ვიოლონჩელოს პედაგოგი გიორგი (აკომპანემენტი ცალკე აუდიო ჩანაწერში).
ვიოლონჩელი ჩემი საყვარელი მუსიკალური ინსტრუმენტია. მიშამ ეს იცოდა და 12 წლის წინ დაბადების დღეზე მაჩუქა. მართალი გითხრათ, ხემის ყიდვა დაავიწყდა, მაგრამ მერე გამოასწორა. მაშინვე დავიწყე მეცადინეობა (ქალბატონ მერისთან), მაგრამ მარცხენა ხელის ტკივილის გამო მალევე დავანებე თავი… შარშან ისევ დავიწყე, ცოტა ხნით თორნიკე მასწავლებელთან, ხოლო დღეს ჩემი პედაგოგი გიორგია და არ მეგონა, რომ 10 გაკვეთილის მერე დავუკრავდი საქართველოს ჰიმნს! იმედია ხარვეზები მეპატიება. აწი უკეთ და უკეთ გამომივა!”, – წერს სანდრა რულოვსი.