დასავლელი ოფიციალური პირები შიშობენ, რომ უკრაინაში არჩევნების ჩატარების შემდეგ ქვეყანა ძველ, კორუმპირებულ პოლიტიკას დაუბრუნდება. ამის შესახებ გამოცემა The Economist-ი წერს.
„რუსეთის კონტროლის ქვეშ კვლავ რჩება უკრაინული ტერიტორიები, თუმცა თუ უკრაინა იქნება წარმატებული, დემოკრატიული და უსაფრთხო, პუტინის მიერ წარმოებული ომი კრახს განიცდის. მეორე მხრივ, თუ უკრაინა ტერიტორიებს დაიბრუნებს, მაგრამ კორუფციაში, სიღარიბესა და პოლიტიკურ ძალადობაში ჩაეფლობა, ის უღალატებს იდეალებს, რომელთათვისაც ასე მამაცად იბრძვიან მისი მოქალაქეები. როდესაც უკრაინაში საომარი მდგომარეობა გაუქმდება, ქვეყანამ უნდა მოიტოვოს უკან კორუფციისა და არაეფექტური მმართველობის ისტორია, რასაც რუსეთი ხანგრძლივად იყენებდა იმისათვის, რომ ძირი გამოეთხარა უკრაინელების ნდობისთვის მათი ლიდერების მიმართ.
ომმა გვერდზე გასწია არაერთი ოლიგარქი, რომელთა საქმიანობაც უკრაინის წინსვლას აფერხებდა. მათი ადგილი დაიკავეს მეწარმეებმა და აქტივისებმა, რომელთაგან ბევრს აქვს ტექნოლოგიების სფეროში მუშაობის აგმოცდილება. ვოლოდიმირ ზელენსკის მთავრობა ებრძვის კორუფციას, ქრთამის აღების ბრალდებით დაკავებულია უზენაესი სასამართლოს ხელმძღვანელი. თუმცა, დასავლელი ოფიციალური პირები შიშობენ, რომ მისი ყველა ძლიერი მხარის მიუხედავად, ზელენსკი დაიღალა ხანგრძლივი ანტიკორუფციული რეფორმის გატარებით. როდესაც უკრაინაში არჩევნები ჩატარდება, ქვეყანა შესაძლოა დაუბრუნდეს ძველ, კორუმპირებულ პოლიტიკას. სწორედ ამიტომ არის ევროკავშირში გაწევრიანების გზაზე წინსვლა ასეთი მნიშვნელოვანი“, – წერს გამოცემა.