„ფეისბუკში“ ტელეკომპანია „იმედის“ გვერდზე წვდომა აღდგა

სოციალურ ქსელ „ფეისბუკში“ ტელეკომპანია „იმედის“ გვერდზე საჯაროდ წვდომა დაახლოებით საღამოს ათის ნახევრისთვის აღდგა.

როგორც გაირკვა, ტექნოლოგიურ კომპანია „მეტას“ ჰქონდა გლობალური ხარვეზი, რის გამოც პრობლემა არაერთ სხვა ადგილობრივ და საერთაშორისო პლატფორმას შეექმნა. ამ დროისთვის ხარვეზი აღმოფხვრილია და „იმედის“ გვერდი შეუფერხებლად მუშაობს. „იმედის“ ოფიციალური გვერდის ნახვა შეგიძლიათ მხოლოდ ამ ოფიციალურ ბმულზე.

ტელეკომპანია „იმედის“ გვერდზე საჯაროდ წვდომა დღეს, 28 ივნისის საღამოს ხუთი საათიდან იყო შეზღუდული. გვერდი ხელმისაწვდომი იყო მხოლოდ მისი ადმინისტრატორებისთვის.

აღსანიშნავია, რომ მას შემდეგ, რაც ტელეკომპანია „იმედის“ ოფიციალურ გვერდზე საჯაროდ წვდომა შეიზღუდა, სოციალურ ქსელებში გამოჩნდა არაერთი გვერდი, რომელიც „ფეისბუკზე” ბოლო საათების განმავლობაში განცხადებებს „იმედის“ სახელით აკეთებს. არც ერთ მათგანს „იმედთან“ არანაირი შეხება არ აქვს და ყველა არის ყალბი, ე.წ. „ფეიკგვერდი”.

იმედის ოფიციალური “ფეისბუკგვერდის” გარდა ახალ ამბებს შეგიძლიათ თვალი ადევნოთ “იმედის” ვებ-გვერდზე – „იმედი.ჯი”, „იმედინიუს.ჯი“ და „იმედის“ იუთუბ არხზე.