ლიეტუვა ბელორუსის მეზობელი სახელმწიფოა და უკიდურესად შეშფოთებულები ვართ მიმდინარე მოვლენებით. პრიგოჟინი ალბათ ბელორუსშია. 100 %-ით არ შემიძლია ამის მტკიცება, მაგრამ სავარაუდოდ ასეა. მე „ვაგნერის“ წევრებს სერიულ მკვლელებს ვუწოდებ. მისი მებრძოლები ნებისმიერ მომენტში შეიძლება ბელორუსში იყვნენ და არავინ იცის, თუ როდის შეიძლება ჩვენს წინააღმდეგ მოტრიალდნენ, – ამის შესახებ ლიეტუვის პრეზიდენტმა, გიტანას ნაუსედამ ევროკავშირის სამიტზე განაცხადა.
მისივე თქმით, ყველაზე მნიშვნელოვანი ნატოს აღმოსავლეთ ფლანგის სიძლიერე და კოლექტიური თავდაცვაა.
„იმედი მაქვს, რომ ამ თვალსაზრისითაც მივიღებთ გადაწყვეტილებებს ვილნიუსში. ამბობენ, რომ ძლიერი პუტინი უფრო ნაკლებად სახიფათოა, ვიდრე სუსტი პუტინი. მე არ ვეთანხმები ამ მოსაზრებას. ჩვენ უნდა გავაგრძელოთ უკრაინის მხარდაჭერა. კიდევ ერთხელ მინდა აღვნიშნო, რომ გადამწყვეტი მომენტია ევროპის ისტორიაში. თუ არ ვიქნებით ერთიანნი დღეს და არ მივიღებთ გადამწყვეტ ნაბიჯებს დღეს, მაშინ ხვალ ძალიან გვიან იქნება“, – აღნიშნა ნაუსედამ.