საფრანგეთის პრეზიდენტმა ქვეყანაში მიმდინარე საპროტესტო აქციების ფონზე გერმანიაში დაგეგმილი სამდღიანი ვიზიტი გადადო.
Politico-ს ცნობით, ემანუელ მაკრონი ბერლინში დღეს უნდა გამგზავრებულიყო. .
საფრანგეთში პოლიციელის მიერ 17 წლის მოზარდის მკვლელობის გამო აგორებული საპროტესტო ტალღა და არეულობა არ წყდება. არეულობის ფონზე უსაფრთხოების უზრუნველყოფისთვის საფრანგეთის ხელისუფლებამ 45 ათასი პოლიციელის მობილიზების შესახებ გამოაცხადა. ქალაქებში ჯავშანტექნიკაც გამოიყვანეს. საფრანგეთის დედაქალაქის რამდენიმე გარეუბანში კომენდანტის საათი გამოცხადდა. საფრანგეთში არეულობის ფონზე, ქვეყნის პრეზიდენტი ემანუელ მაკრონი სოციალურ მედიას ძალადობის გაღვივებაში ადანაშაულებს.
კომენტარები