პოლონეთი ბელარუსთან საზღვრის დასაცავად დამატებით 500 პოლიციელს გაგზავნის, – ამის შესახებ ინფორმაციას პოლონეთის შინაგან საქმეთა მინისტრი მარიუშ კამინსკი ავრცელებს.
„ბელარუსის საზღვარზე დაძაბული სიტუაციიდან გამომდინარე, გადავწყვიტეთ ჩვენი ძალების გაძლიერება 500 ოფიცრის ჯგუფით პრევენციული და კონტრტერორისტული დანაყოფებიდან. ისინი შეუერთდებიან 5 000 მესაზღვრესა და 2 000 ჯარისკაცს, რომლებიც იცავენ საზღვარს“,- წერს კამინსკი „ტვიტერის“ საკუთარ გვერდზე.
პოლონეთის ოფიციალური პირების ცნობით, მხოლოდ ერთ დღეში ბელარუსიდანპოლონეთის საზღვრის უკანონოდ გადაკვეთა 187-მა ადამიანმა სცადა. პოლონეთის ვიცე-პრემიერის, იაროსლავ კაჩინსკის თქმით, საზღვრების გაძლიერება აუცილებელია „ვაგნერის” მებრძოლების ბელარუსშიგადასვლის გამოც.
კომენტარები