საფრანგეთის პრეზიდენტი ემანუელ მაკრონი საგანგებო კრიზისულ შეხვედრას მართავს. ამის შესახებ „ბიბისი“ წერს.
როგორც მედია წერს, ემანუელ მაკრონი ხვდება მინისტრებსა და უშიშროების წარმომადგენლებს შინაგან საქმეთა სამინისტროს საგანგებო კრიზისულ ცენტრში, რათა განიხილონ საფრანგეთში მიმდინარე ვითარება.
შეხვედრას ესწრება საფრანგეთის პრემიერ-მინისტრი, ელისაბედ ბორნი, შინაგან საქმეთა მინისტრი ჟერალდ დარმანინი და იუსტიციის მინისტრი ერიკ დიუპონ-მორეტი.
საფრანგეთის შინაგან საქმეთა მინისტრის ცნობით, 45,000 პოლიციელი და ჟანდარმერიის ოფიცერი იქნება განლაგებული მთელი ქვეყნის მასშტაბით კვირას საღამოს, რადგან ქვეყანა ემზადება მეტი ძალადობისთვის ქუჩებში.
საფრანგეთში არეულობა და საპროტესტო მსვლელობები ლოზუნგით „სამართალი ნაჰელისთვის“ მას შემდეგ დაიწყო, რაც პატრულის მიერ პარიზის გარეუბან ნანტერში საგზაო მოძრაობის წესების დარღვევისთვის გაჩერებული 17 წლის ახალგაზრდა პოლიციელის ტყვიამ იმსხვერპლა.