უკრაინის შეიარაღებული ძალების სახმელეთო ჯარების სარდალმა, ალექსანდრ სირსკიმ განაცხადა, რომ უკრაინულ ძალებს ბახმუტის ირგვლივ წინსვლა აქვთ.
„ედელვაისის“ მე-10 ბრიგადის ქვედანაყოფები თავს ესხმიან რუსეთის პოზიციებს ბახმუტის ჩრდილოეთ გარეუბანში. რამდენიმე ტერიტორია დაიბრუნეს და მტრის ცოცხალი ძალის მნიშვნელოვანი რაოდენობა გაანადგურეს“, – აღნიშნა ალექსანდრ სირსკიმ.
თავის მხრივ, უკრაინის თავდაცვის მინისტრის მოადგილემ, ანა მალიარმა განაცხადა, რომ ბახმუტის ირგვლივ ვითარება უკიდურესად აქტიურია.
„მტერი ფაქტობრივად ჩაფლულია იქ. ისინი აკონტროლებენ ქალაქის დიდ ნაწილს, ჩვენ კი მხოლოდ სამხრეთ-დასავლეთ ნაწილს ვაკონტროლებთ, მაგრამ ქალაქში გადაადგილება არ შეუძლიათ. ჩვენი შეიარაღებული ძალები მათ ამის საშუალებას არ აძლევენ“, – აღნიშნა მან.
კომენტარები