საქართველოს საპატრიარქოს საზოგადოებასთან ურთიერთობის სამსახურის უფროსი, დეკანოზი ანდრია ჯაღმაიძე საპატრიარქოს დამლაგებელი ქალის გარდაცვალების შესახებ მედიაში გავრცელებულ ინფორმაციას ეხმაურება.
როგორც დეკანოზი სოციალურ ქსელში წერს, საპატრიარქოს თანამშრომლის გარდაცვალების დაკავშირება, მეუფე შიოს შესაძლო მოწამვლასთან, საფუძველს მოკლებულია.
„საპატრიარქოს თანამშრომლის, დამლაგებელი ქალბატონის გარდაცვალების ერთმნიშვნელოვნად დაკავშირება, მეუფე შიოს შესაძლო მოწამვლასთან, საფუძველს მოკლებულია, რადგან ექსპერტიზა არ დასრულებულა.
ქალბატონი რუსუდანი ბოლო წლებში ავადმყოფობდა და პერიოდულად მკურნალობას გადიოდა“, – წერს ანდრია ჯაღმაიძე Facebook-ზე.
შეგახსენებთ, რომ ცოტა ხნის წინ, მედიაში გავრცელდა ინფორმაცია საპატრიარქოს დამლაგებელი ქალის გარდაცვალების შესახებ. გავრცელებული ინფორმაციით, ქალის ცხედარს ექსპერტიზა უკვე ჩაუტარდა.