ამ დღეს, თითოეული ადამიანი გამოიყვანა საკუთარმა სინდისმა, ღირსებამ და მომავლის დაცვის აუცილებლობამ! – ამის შესახებ ვატო შაქარიშვილი ფეისბუქის საკუთარ გვერდზე წერს.
“მცირე განმარტებას გავაკეთებ იმ ადამიანებისთვის, ვის გვერდითაც ვიდექი 8 ივლისს, ვისთან ერთადაც მხარდამხარ ვიარე, ჭყლეტვაში ფეხზე რომ წამოვაყენეთ ერთმანეთი და ერთი მეორეს ზურგს რომ ვუმაგრებდით.
არა ერთხელ გავმხდარვარ ორგანიზებული შემოტევის ადრესატი, მაგრამ მადლობა ღმერთს, ყოველთვის კარგი გაგებით დამსახურებულად, რადგან ნაც-ლიბერალებს მწარედ მოხვედრიათ ჩემი ქმედება ან ნათქვამი, შესაბამისად ეს მხოლოდ მაძლიერებს ხოლმე.
მაგრამ ეს რამდენიმე დღეა, სრულიად დაუმსახურებლად ვიღებ უსაფუძვლო ბრალდებებს, თითქოს 8 ივლისის მოვლენების და მოპოვებული გამარჯვების პიროვნულად მითვისებას ვცდილობ… მეცინება ამ ბრალდებაზე, არაფერი მაქვს სამტკიცებელი და რასაც ვწერ თავის მართლებას არ ემსახურება.
გულწრფელად მიმაჩნია, რომ იქ, ჩემი ხათრით თუ ჩემი გულისთვის არავინ გამოსულა! ისიც კი, ვინც ჩემთან ერთად და ჩვენი მოძრაობის ორგანიზებით მოვიდა ლისზე. ამ დღეს, თითოეული ადამიანი გამოიყვანა საკუთარმა სინდისმა, ღირსებამ და მომავლის დაცვის აუცილებლობამ! ჩვენ, ასი ათასი მოწამის ქვეყანა ვართ, იმ ქართველების შთამომავლები, ვინც ხედავდა მის წინ თავს როგორ კვეთავდენ სხვებს და საკუთარ რიგს ელოდებოდნენ მტკიცედ, არ მგონია მაშინ ვინმე ლიდერი ან მომწოდებელი დაჭირვებოდა ხალხს!
ეს არ არის პოლიტიკური ან საარჩევნო საკითხი! მწამს, რომ დამღუპველი იდეოლოგიის თავსმოხვევისგან ჩვენი ქვეყნის დაცვა ყველა სხვა ამოცანაზე მაღლა დგას! ამიტომ განზრახვაშიც არ მქონია და არც არასოდეს მექნება ამ თემის გარშემო პოლიტიკური ინტერესი. თუ რამე ვიმოქმედე, ვიმოქმედე ჩემი სინდისის კარნახით. საერთო გამარჯვებაა 8 ივლისი, სა ერ თო, არა – პერსონალურად ჩემი, სხვისი ან რომელიმე მოძრაობის თუ ორგანიზაციის, არამედ ქართველი ხალხის!
მიუხედავად აბსოლუტურად დაუმსახურებლად წამოსული ტალახისა, პატივს ვცემ ყველა იმ ადამიანს, ვინც საკუთარი ქვეყნის ერთგული ჯარისკაცია, ვისი მომხრეც არ უნდა იყოს ის ალტ-ინფო იქნება ეს თუ სხვა(ცხადია ნაც-ოპოზიცია არ იგულისხმება ისინი საქვეყნოს არასოდეს გააკეთებენ). ძალიან ზედაპირულ აზროვნებად და ბრძოლის დაკნინებად მიმაჩნია იმის გარჩევა და გაზომვა ვინ რამდენი ადამიანი მოიყვანა თუ წაიყვანა.
ალტ-ინფო და პარტია “კონსერვატიული მოძრაობა” წლებია, რაც ორგანიზაციულად გამართული ძალაა, გააჩნიათ საკუთარი მედია(რომელსაც ყველანაირად ზღუდავენ), მათ აქტიურად იმუშავეს მობილიზაციისთვის და უკანონოდ საბანკო ანგარიშების გაუქმებამ თუ სხვა შეზღუდვებმა კიდევ უფრო გაზარდა მოტივაცია ხალხში, შესაბამისად ბუნებრივია, რომ LGBT პრაიდის აღკვეთის იდეის გარშემო, მათ ათასობით ადამიანი გააერთიანეს. ვერც ერთი ცალკე აღებული პირი და ვერც ერთი მედია საშუალება, სულ რომ მართლა განიზრახოს ამ როლის თუ წვლილის დაფარვა ამას ვერ მოახერხებს, იმიტომ რომ ყველაზე კარგად იმ ხალხმა იცის, ვინც ამ ბრძოლაში მონაწილეობა მიიღო. შეგნებულად არ აღვწერ და არ მოვყვები იმაზე თუ რა კონკრეტული ნაბიჯები გადავდგით ჩვენ ამ მიზნისკენ, როგორი კამპანია ვაწარმოეთ და რა რაოდენობა ხალხი შევკრიბეთ ადგილზე, ყველაფერი ნათელია და ხელის გულზეა, შეჯიბრებითობა კი ჩვენი ინტერესი არ არის!
ჩვენ ვართ საზოგადოებრივი მოძრაობა, გამოკვეთილი მიზნებით და ამ ეტაპზე ერთი წამითაც არ გვაინტერესებს ვინმესთან პოლიტიკური კონკურენცია. ღიად ვუჭერთ მხარს ხელისუფლების მშვიდობის პოლიტიკას, ვიცავთ ეროვნულ ინტერესებს და ქვეყნის სუვერენიტეტს. გვერდით დავუდგებით და გვერდით დავიყენებთ ყველას, ვისთანაც ღირებულებითი თანხვედრა გვექნება და ამავდროულად გავაკრიტიკებთ, შევეწინააღმდეგებით ყველას განურჩევლად პარტიული კუთვნილებისა, ვისი ქმედებებიც ობიექტურად აცდება ზემოთ ხსენებულ მიზნებს, ოცნება იქნება, ალტ-ინფო თუ სხვა. გვაქვს ჩვენი დღის წესრიგი და ვერავინ განგვისაზღვრავს რომელ შეკრებაზე მივიდეთ, რომელ საათზე და რომელ ძეგლთან, რომელ მედიასთან გავაკეთოთ კომენტარი და რომელთან არა. ისევე, როგორც ჩვენ არ ვაპირებთ სხვას ვუკარნახოთ როგორ იმოქმედოს! ნორმალურად მიგვაჩნია, თუნდაც საერთო მიზნისკენ, განსხვავებული გზებით და ფორმებით ვიაროთ ისე, რომ არ დაზიანდეს – მთავარი!
კიდევ ერთხელ ვულოცავ ყველას 8 ივლისის გამარჯვებას – LGBT პრაიდ-ფესტივალის მშვიდობიანად აღკვეთას!”, – წერს ვატო შაქარიშვილი.
