ნიუ-იორკის ფედერალურმა სასამართლომ, მიუხედავად ამერიკის შეერთებული შტატების პრეზიდენტის დონალდ ტრამპის ბრძანებისა, დროებით აკრძალა ამერიკული ვიზების მქონე მიგრანტების აეროპორტიდან გაძევება.
„ბი-ბი-სი“-ს ინფორმაციით, სასამართლომ აღნიშნული გადაწყვეტილება ამერიკის შეერთებული შტატების პრეზიდენტის, დონალდ ტრამპის ბრძანების მიუხედავად მიიღო. ამ სახით მოსამართლე ენ დონელიმ ამერიკის სამოქალაქო თავისუფლებათა კავშირის სარჩელი დააკმაყოფილა. კავშირის ცნობით, გადაწყვეტილება სატრანზიტო ზონებში მყოფ 200-მდე ადამიანს შეეხება.
ტრამპის პარასკევს მიღებული გადაწყვეტილების თანახმად, აშშ-მა სირიელი დევნილებისა და სხვა ქვეყნებიდან წამოსული მიგრანტების მიღება 120 დღით შეწყვიტა.
როგორც ქვეყნის ლიდერმა აღნიშნა, ეს გადაწყვეტილება აშშ-ის „რადიკალური მუსლიმი ტერორისტებისგან“ დაცვის გამო მიიღო.
აღნიშნული გადაწყვეტილების თანახმად, ერაყის, ირანის, იემენის, ლიბიის, სირიის, სომალისა და სუდანის მოქალაქეებმა აშშ-ში გაფრენაზე უარი უნდა თქვან, თუ მათ არ აქვთ დიპლომატიური ვიზა ან ამერიკის შეერთებულ შტატებში ცხოვრების უფლება.