კანადის პრემიერ-მინისტრი ჯასტინ ტრუდო მზად არის, რელიგიური შეხედულებების მიუხედავად, ომსა და ტერორიზმს გამოქცეული ადამიანები მიიღოს.
ამის შესახებ ქვეყნის ლიდერმა სოციალურ ქსელში განაცხადა.
„დევნას, ომსა და ტერორს გამოქცეულ ადამიანებს კანადა სიხარულით მიიღებს, მათი რელიგიური შეხედულებების მიუხედავად. მრავალფეროვნება ჩვენი ძალაა“, -განაცხადა ჯასტინ ტრიუდომ.
ეს განცხადება გარკვეულწილად შეერთებულ შტატებში დონალდ ტრამპის მიერ გამოცემულ განკარგულებას ეხმაურება, რომლის თანახმადაც, დონალდ ტრამპმა შვიდი ქვეყნის წარმომადგენლებისთვის, საიმიგრაციო შეზღუდვები დააწესა.
კანადის პრემიერმა დონალდ ტრამპის კრიტიკისგან თავი შეიკავა და ხაზგასმით აღნიშნა, რომ ვაშინგტონსა და ოტავას ხანგრძლივი მეგობრობა აკავშირებთ და მჭიდრო ეკონომიკური კავშირი აქვთ.
კომენტარები