მთავარია, რომ მალე მოგვარდეს პრობლემა, რომელიც მოსახლეობას სტიქიის შედეგად დაუდგა. გრძელდება სამუშაოები და ყველაფერი გაკეთდება, რათა პრობლემები მაქსიმალურად მალე გადაიჭრას, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ ჟურნალისტებს ლანჩხუთში განუცხადა.
მისი თქმით, სტიქიის სალიკვიდაციო შტაბში იმყოფებოდნენ, სადაც გუბერნატორისა და მერისგან მიიღეს ინფორმაცია სტიქიის სალიკვიდაციო ღონისძიებებთან დაკავშირებით.
„მუდმივ რეჟიმში გრძელდება სამუშაოები. ყველა სამსახურია ჩართული. მუნიციპალიტეტი, მაშველები, ჩვენი ახალგაზრდული ორგანიზაცია ასევე ჩართული. ეხმარებიან მოსახლეობას. ზარალი არის საკმაოდ დიდი. მთავარია, რომ მალე მოგვარდეს პრობლემა, რომელიც მოსახლეობას სტიქიის შედეგად დაუდგა. გრძელდება სამუშაოები და ყველაფერი გაკეთდება, რათა პრობლემები მაქსიმალურად მალე გადაიჭრას“, – განაცხადა კობახიძემ.