„მინისტრის საათის“ და ინტერპელაციის ფორმატში, 19-22 სექტემბრის სასესიო კვირის პლენარულ სხდომებზე დეპუტატები მთავრობის წევრებს მოუსმენენ.
პარლამენტის თავმჯდომარის შალვა პაპუაშვილის განცხადებით, 20 სექტემბერს, პარლამენტი „მინისტრის საათის“ ფორმატში კულტურის, სპორტისა და ახალგაზრდობის მინისტრს, თეა წულუკიანს, ხოლო 22 სექტემბერს, ინტერპელაციის წესით, ეკონომიკისა და მდგრადი განვითარების მინისტრს, ლევან დავითაშვილს და შინაგან საქმეთა მინისტრს, ვახტანგ გომელაურს მოუსმენენ.
ამასთან, ბიუროს გადაწყვეტილებით, პლენარულ სხდომაზე, პარლამენტის გამოკლებული წევრის, ქეთევან დუმბაძის ადგილმონაცვლედ, ქეთევან ჩარკვიანის უფლებამოსილების ცნობის საკითხი განიხილება.
სხდომაზე ბიუროს წევრებმა ახალ საკანონმდებლო ინიციატივებზე წამყვანი კომიტეტები განსაზღვრეს და საორგანიზაციო საკითხები განიხილეს.