თეთრი სახლი ჩრდილოეთ კორეას მოუწოდებს, რუსეთს შეიარაღება არ მიაწოდოს. ინფორმაციას ამის შესახებ ტელეკომპანია CNN-ი ავრცელებს.
„რუსეთსა და ჩრდილოეთ კორეას შორის შეიარაღების შესახებ მოლაპარაკებები სავარაუდოდ გაგრძელდება კიმ ჩენ ინის რუსეთში ვიზიტის დროს. ჩვენ მოვუწოდებთ ჩრდილოეთ კორეას, შეასრულოს თავისი ვალდებულებები, რომელიც ფხენიანმა აიღო და არ მიაწოდოს ან მიყიდოს რუსეთს იარაღი“, – განაცხადა აშშ-ის ეროვნული უსაფრთხოების საბჭოს სპიკერმა, ედრიენ უოტსონმა.
ჩრდილოეთ კორეის ლიდერი, კიმ ჩენ ინი ვლადივოსტოკში გაემგზავრა, სადაც რუსეთის პრეზიდენტ ვლადიმირ პუტინს შეხვდება.
ლიდერები სავარაუდოდ ფხენიანის მიერ მოსკოვისთვის იარაღის გადაცემის შესაძლებლობას განიხილავენ, რომელსაც პუტინი უკრაინაში გამოიყენებს.
კომენტარები