მაროკოში მაშველებს ცოტა დრო რჩებათ იმისთვის, რომ ნანგრევებში ცოცხალ ადამიანებს მიაგნონ. ბოლო მონაცემებით, დაღუპულთა რაოდენობამ 2,680-ს მიაღწია და ეს რიცხვი შესაძლოა კიდევ გაიზარდოს.
ატლასის მთებში სამძებრო-სამაშველო ოპერაცია ამ დრომდე მიმდინარეობს. მთიან რეგიონში მდებარე სოფლების უმეტესობა განადგურებულია, მოსახლეობა უსახლკაროდ დარჩა და გადაუდებელ ჰუმანიტარულ დახმარებას საჭიროებს. მიწისძვრის შედეგად, სერიოზულად დაზიანდა ისტორიული ქალაქი მარაკეში.
მაროკოში 6.8 მაგნიტუდის სიმძლავრის მიწისძვრის ეპიცენტრი ქალაქ მარაკეშიდან სამხრეთ-დასავლეთით ატლასის მთებში, 71 კმ-ის სიღრმეში მდებარეობდა. 19 წუთის შემდეგ კიდევ ერთი მიწისძვრა მოხდა, რომლის სიმძლავრემ 4,9 მაგნიტუდა შეადგინა.
კომენტარები