ჟურნალისტი ირმა ინაშვილი კოლეგის გია გაბრიჩიძის გარდაცვალების შესახებ პოსტს აქვეყნებს.
“უამრავი თბილი პოსტი იწერება გიაზე. პირადად ჩემგანაც იმსახურებს განსაკუთრებულ მადლიერებას. ძალიან გვატკინა გული.
ყველაზე მძიმე წლებში “ობიექტივის” პირდაპირი ეთერიდან ერთად ვიბრძოდით უკეთესი ქვეყნისთვის, უკეთესი მომავლისთვის… გუშინ მე და მაკა რაზმაძე ვიხსენებდით იმ წლებს. ძველი ფოტოები გამომიგზავნა. “მაშინ უფრო ბედნიერები ვყოფილვართო”,- მაკა მწერდა და ასეა… დამიჯერეთ, იმ დროს ხმის ამოღებას ბევრი ვერ ბედავდა. ბუჩქებში ისხდნენ, დღეს, საუბედუროდ, თავზე გვასხედან. “ობიექტივი” უნიკალური გუნდი იყო და ახლაც ასეთ შეკრულ გუნდად რჩება, რომელმაც ჯერ უწესიერესი ჟურნალისტი- გოჩა ჯელია დაკარგა, ცოტა ხნის წინ- ჩემი კოტე… ახლა ჩვენი თანამებრძოლი და კოლეგა- გია… ძალიან ნიჭერი, თავმდაბალი, ერთგული ადამიანი იყო. ღმერთმა სამოთხეში დაამკვიდროს გიას… და “ობიექტივის” ბიჭების სული.”
