რისი გამკეთებელიც თვითონ არის იმას საუბრობს, – ასე გამოეხმაურა თბილისის მერი კახა კალაძე მიხეილ სააკაშვილს, რომელმაც განაცხადა, რომ „ქართული ოცნება“ ცდილობს კანდიდატის სტატუსი ქვეყანამ ვერ მიიღოს. სააკაშვილმა ასევე განაცხადა, რომ ხელისუფლება გეგმავს რეპრესიების დაწყებას მედიის მიმართ.
„სააკაშვილი როცა ხელისუფლებაში იყო, გვახსოვს რით იყო დაკავებული – რეპრესიებით, განსხვავებულ აზრს დევნიდა, პოლიტიკურად განსხვავებულად მოაზროვნე ადამიანებსა და მათი ოჯახის წევრებს ჯოჯოხეთს უწყობდა, რამდენი არაკანონიერად დაპატიმრებული ადამინი გვყავდა გახსოვთ და გახსოვთ რა დამოკიდებულება და მიდგომები ჰქონდა ჟურნალისტებთან და ტელევიზიებთან. ეს ადამიანი ფიქრობს იმას, რომ სხვა ადამიანებიც და სხვა კონკრეტული ხელისუფლების წარმომადგენლებიც იმავეს მკადრებლები არიან. ეს არის მათი უბედურება, ვერ ხვდებიან, რომ დღეს საქართველოს ჰყავს ხელისუფლება, ვინც ქვეყნის ინტერესებზე ამ ქვეყანაში მცხოვრებ ადამიანებზე ზრუნავს, თუნდაც ევროინტეგრაციის მიმართულებით, თუ რაიმე წარმატებას მიაღწია ქვეყანამ, ეს ყველაფერი უკავშირდება 2012 წლის შემდგომ პერიოდს და იმ გუნდს, რომელსაც „ქართული ოცნება“ ჰქვია“, – განაცხადა კალაძემ.