ჩეხეთის შეიარაღებული ძალების გენერალური შტაბის ხელმძღვანელმა, კარელ რჟეჰკამ განაცხადა, რომ დასავლეთი უნდა მოემზადოს უკრაინაში ხანგრძლივი ომისთვის და გაუმკლავდეს სულ უფრო მტრულად განწყობილ რუსეთს ომის დასრულების შემდეგაც კი.
კარელ რჟეჰკამ აღნიშნა, რომ ის არ არის იმედგაცრუებული უკრაინის კონტრშეტევის პროგრესის ტემპით.
„საერთო ჯამში, ვფიქრობ, ამჟამად არ არსებობს შესაძლებლობა, რომ რომელიმე მხარემ მიაღწიოს დეკლარირებულ მიზნებს უახლოეს მომავალში“, – განაცხადა მან.
„ეს [ომი] არ გაგრძელდება რამდენიმე კვირა, ის დიდხანს გაგრძელდება, ალბათ. და მნიშვნელოვანია, რომ უკრაინელების მხარდაჭერა დიდი ხნით გავაგრძელოთ“, – დასძინა ჩეხეთის შეიარაღებული ძალების გენერალური შტაბის ხელმძღვანელმა.
კომენტარები