რუსეთის პრემიერ-მინისტრმა, მიხაილ მიშუსტინმა საჰაერო ტრანსპორტის ფედერალური სააგენტოს („როსავიაციის“) ხელმძღვანელი ალექსანდრ ნერადკო თანამდებობიდან გადააყენა. ინფორმაცია ამის შესახებ რუსეთის მთავრობის პრესსამსახურმა გაავრცელა.
გადაწყვეტილების ოფიციალური მიზეზი არ სახელდება, თუმცა გასული წლის დეკემბერში მედიაში გავრცელდა ინფორმაცია ნერადკოს კაბინეტში ჩატარებული ჩხრეკის შესახებ. საქმე ეხებოდა „როსავიაციის“ ერთ-ერთი თანამშრომლის მიერ ქრთამის აღებას. მაშინ უწყებაში ჩხრეკის ჩატარების ფაქტს უარყოფდნენ.
ალექსანდრ ნერადკოს შემცვლელად მისი ყოფილი მოადგილე დიმიტრი იადროვი დაინიშნა.
კომენტარები