უახლოეს 3-4 წელიწადში უნდა მოვახდინოთ ნახევარი სკოლების რეაბილიტაცია-მშენებლობა. 300-350 სკოლის პროცესი უკვე დაწყებულია. ხვდებით რამხელა ფონდია ქვეყანაში გაშლილი, რომ ისეთ სკოლებში შევიდნენ მოსწავლეები, რომლებიც მაგალითად დღეს დილით გავხსენით და პირველკლასელები შევაცილეთ, – ამის შესახებ განათლების მინისტრმა, გიორგი ამილახვარმა „ქრონიკაში“ განაცხადა.
„ვპირდები საზოგადოებას, რომ უახლოეს 3-4 წელიწადში ინფრასტრუქტურული პრობლემები თითქმის ყველა საჯარო სკოლაში სრულად მოგვარდება. ახლა ამ პროცესს ბუნებრივია თავისი ხარვეზები ახლავს. 350-დან 10 სკოლა გვაქვს, სადაც კონტრაქტორების მიერ ვერ მოხდა თავიანთი ვალდებულებების დროულად შესრულება. იყო ვადაგადაცილება, იყო მშენებლობების დაგვიანებით დაწყება. ხაზგასმით ვამბობ, რომ არცერთი ბავშვი ღია ცის ქვეშ არ არის დარჩენილი. თითოეული მათგანი გადანაწილებულია უახლოეს სკოლებში და ყველა საგანმანათლებლო რესურსი უზრუნველყოფილია მათთვის. გვესმის მათი გულისწუხილი, გვესმის უხერხულობა რასაც ისინი გრძნობენ. გამკაცრდა კონტროლი და ზედამხედველობა ვადებზე“, – აღნიშნა განათლების მინისტრმა.