საქართველოს პრემიერ-მინისტრი ირაკლი ღარიბაშვილი ევროპული საბჭოს პრეზიდენტთან, შარლ მიშელთან შეხვედრას სოციალურ ქსელ „ტვიტერში“ ეხმაურება.
მთავრობის მეთაურის თქმით, საუბრისას ხაზგასმით აღინიშნა ევროკავშირთან საქართველოს ძალიან კარგი თანამშრომლობა.
„გაერო-ს 78-ე გენერალური ასამბლეის ფარგლებში სასიამოვნო იყო ევროპული საბჭოს პრეზიდენტ შარლ მიშელთან შეხვედრა. საუბრისას ხაზგასმით აღინიშნა ევროკავშირთან საქართველოს ძალიან კარგი თანამშრომლობა.
შეხვედრაზე განვიხილეთ 12 პრიორიტეტის შესრულების გზაზე მიღწეული წინსვლა და ევროკავშირის უმაღლესი წარმომადგენლის მიერ განსაზღვრული მოკლევადიანი ამოცანების შესრულება.
ევროპული საბჭოს პრეზიდენტს დავუდასტურე ევროკომისიის მიერ განსაზღვრული ყველა პრიორიტეტისადმი ქვეყნის ერთგულება“, – აღნიშნავს საქართველოს პრემიერი.
Delighted to meet @CharlesMichel within t/ scope of #UNGA78. Highlighted🇬🇪 -🇪🇺 excellent coop.Discussed🇬🇪's progress in addressing 12 priorities& achieving short-term tasks specified by🇪🇺HR. Reiterated our commitment to meet all the priorities outlined by the @EU_Commission. pic.twitter.com/N4o3bWEWNB
— Irakli Garibashvili (@GharibashviliGe) September 18, 2023