უკრაინის პრეზიდენტმა პეტრო პოროშენკომ უკრაინის ნატო-ში შესვლის თაობაზე რეფერენდუმის ჩატარების გეგმებზე ისაუბრა. აღნიშნულის შესახებ უკრაინის პრეზიდენტმა Berliner Morgenpost-თან ინტერვიუში განაცხადა.
„რასაც მართლაც ვაფასებ ეს უკრაინელი ხალხის აზრია. ოთხი წლის წინ ნატო-ში უკრაინის გაწევრიანებას მოსახლეობის 16% უჭერდა მხარს. ახლა ეს მაჩვენებელი 54%-ს შეადგენს. როგორც პრეზიდენტი მე გავიგებ ჩემი ხალხის აზრს და ჩავატარებ რეფერენდუმს ნატო-ში გაწევრიანებაზე და თუ უკრაინელები მხარს დაუჭერენ ამას, მე ყველაფერს გავაკეთებ, რათა მივაღწიო უკრაინის წევრობას ჩრდილოატლანტიკურ ალიანსში“, – აღნიშნა პოროშენკომ.
2014 წლის დეკემბერში უკრაინის პარლამენტმა ცვლილებები შეიტანა ორ კანონში და უარი განაცხადა უკრაინის ბლოკგარეშე სტატუსზე.
კომენტარები