ტექნიკური უნივერსიტეტის პროფესორი ოთარ გელაშვილი ერთთვიანი კომის შემდეგ კლინიკაში გარდაიცვალა. ბურუსით მოცული საქმის დეტალები ჯერ კიდევ უცნობია.
65 წლის მამაკაცი, მწყემსებმა გარდაბნის ტყეში უგონო მდგომარეობაში იპოვეს.
ის დაუნდობლად სცემეს ხელკეტებითა და ბეისბოლის ჯოხებით. საქმეზე დაკავებულია 23 წლის ახალგაზრდა, რომელიც დანაშაულს არ აღიარებს. ამ საქმის კიდევ ერთი ბრალდებული კი, ქვეყნიდან გაიქცა.
„ბეისბოლის ჯოხით იყო ნაცემი, თავის ქალა იმდენად იყო დაზიანებული რომ თურქეთმა, გერმანიამ და სხვა კლინიკებმა სადაც გადაგზავნილი იყო ანამნეზი, უარი თქვეს მიღებაზე“,- აცხადებს, “მთავარ არხთან” საუბარში, საქართველოს ტექნიკური უნივერსიტეტის სოციალურ საკითხთა, სპორტისა და კულტურის დეპარტამენტის ხელმძღვანელი დავით ოქიტაშვილი.
კომენტარები