ოპოზიციონერმა დეპუტატმა, ხატია დეკანოიძემ პრეზიდენტ სალომე ზურაბიშვილის გადაწყვეტილებას, არ შეუწყვიტოს მოქალაქეობა ოთარ ფარცხალაძეს, უცნაური უწოდა.
„რბილად რომ ვთქვათ, ცოტა უცნაური გადაწყვეტილებაა, იმიტომ რომ საქართველოს კანონმდებლობა ითვალისწინებს მათ შორის სხვა ქვეყნის მოქალაქეების გასამართლებას და სისხლის სამართლის საქმის იმ მუხლით აღძვრას, რა მუხლითაც აუცილებელია აღიძრას საქმე ფარცხალაძის წინააღმდეგ. ალბათ, მას დამატებითი არგუმენტაცია ექნება, დაველოდებით პრეზიდენტის განმარტებას“, – განაცხადა დეკანოიძემ.
საქართველოს პრეზიდენტის ადმინისტრაციის განცხადებით, სახელმწიფო ინტერესებიდან გამომდინარე, სალომე ზურაბიშვილს ოთარ ფარცხალაძისთვის მოქალაქეობის შეწყვეტა ამ ეტაპზე მიზანშეწონილად არ მიაჩნია.
კომენტარები