„სტრატეგია აღმაშენებლის“ წევრი, დეპუტატი პაატა მანჯგალაძე აცხადებს, რომ მისთვის გაუგებარია ის არგუმენტები, რომლითაც პრეზიდენტმა სალომე ზურაბიშვილმა ახსნა თავისი გადაწყვეტილება, არ შეუწყვიტოს მოქალაქეობა ოთარ ფარცხალაძეს.
„მე არ ვიცი, რომელი არის კონსტიტუციაზე უფრო აღმატებული მიზანი. რატომ უნდა ჰქონდეს საქართველოს მოქალაქეობა ჯაშუშს? მე ამის დასაბუთებას ვერ ვხვდები. ისედაც დადგება პასუხისმგებლობა, ვინაიდან მის ქმედებაში არის საქართველოს სახელმწიფოს ინტერესების ღალატის პირდაპირი ნიშნები და იქნება თუ არა ფარცხალაძე საქართველოს მოქალაქე, ამას არსებითი მნიშვნელობა არ აქვს. ამ მიმართულებით მსჯელობა არის სისულელე. სიბრიყვეა იმის თქმა, რომ თუ საქართველოს მოქალაქე იქნება, უფრო დავსჯით“, – აცხადებს მანჯგალაძე.
კომენტარები