პარლამენტში ჩხუბი და აყალმაყალი რომ იყო, ერთ მომენტში ჩემი უწმაწური სიტყვები ისმოდა, ხალხი არ იმსახურებს, რომ ეს მოისმინონ და ამიტომ ბოდიშს ვიხდი – ამის შესახებ ფრაქცია “ქართული ოცნების” თავმჯდომარემ “ღამის კურიერის” ეთერში განაცხადა.
მამუკა მდინარაძის თქმით, პოლიტიკოსისგან არ არის კარგი მოსასმენი მსგავსი სიტყვები:
“პარლამენტში ჩხუბი და აყალმაყალი რომ იყო, უკადრებელი იკადრეს და გადაგვრიეს ყველა – ამაზე დღეს მომეცა პირველად საშუალება და მინდა ძალიან დიდი ბოდიში მოვუხადო ყველას, ერთ მომენტში ჩემი უწმაწური სიტყვები ისმოდა. უკაცრავად, პოლიტიკოსისგან არ არის კარგი მოსასმენი ეს გინება, ისინი შეიძლება 100-ჯერ მეტს იმსახურებენ, მაგრამ ხალხი არ იმსახურებს რომ ეს მოისმინონ და ამიტომ, ბოდიშს ვიხდი,”– განაცხადა მამუკა მდინარაძემ.
კომენტარები