მე მაგალითად, ძალიან მიჯაჭვული არ ვარ ამირანივით ამ სტატუსზე, სულ არ მგონია, რომ ეს არის პანაცეა. ვიცით ჩვენ, არიან ქვეყნები, რომლებსაც ათეული წლებია ეს სტატუსი აქვთ, თუმცა ეს იქნებოდა ძალიან კარგი ნაბიჯი საქართველოსთვის, – ამის შესახებ ფილოლოგიის დოქტორმა გია მურღულიამ გადაცემაში „იმედი LIVE“ განაცხადა.
მისი თქმით, საქართველო მონაწილეობს ყველა დემოკრატიულ პროცესში.
„პირველ რიგში სტატუსს იმიტომ ვიმსახურებთ, რომ დიდი ხანია ჩვენ ეს არჩევანი გაკეთებული გვაქვს. ეს არის ჩვენი ისტორიული არჩევანი. ჩვენ ვმონაწილეობთ ყველა დემოკრატიულ პროცესში, რაც შემოგვთავაზეს. ჩვენ ვქმნით ინსტიტუციებს, რაც გვითხრეს და ძალიან კარგად ვიცით, რომ ეს ინსტიტუციები შესაქმნელი გვაქვს. ის ნაბიჯები, რომლებიც უზრუნველყოფდა და დღესაც უზრუნველყოფს საქართველოს, როგორც ღირსეული კანდიდატის სვლას ევროპისკენ, ეს ნაბიჯები ყველასთვის თვალსაჩინოა. მგონი ოპოზიციისთვისაც ძალიან თვალსაჩინოა და ამიტომ ნერვიულობენ ხოლმე ასე ხშირად ამაზე“, – აღნიშნა გია მურღულიამ.