ესტონეთის პარლამენტმა მხარი არ დაუჭირა პრემიერ-მინისტრ კაია კალასის მეუღლის რუსეთში საქმიანობის შესახებ საგამოძიებო კომისიის შექმნას. ინფორმაციას ამის შესახებ უკრაინული მედია ესტონეთის საზოგადოებრივ მაუწყებელზე (ERR) დაყრდნობით ავრცელებს.
გასულ კვირას საკონსტიტუციო კომისიამ გადაწყვიტა, მხარი არ დაეჭირა “ცენტრისტული პარტიის” მიერ წარდგენილი გადაწყვეტილების პროექტისთვის, რომელიც პარლამენტში ცალკე კომისიის შექმნას ითცალისწინებდა პრემიერ-მინისტრ კაი კალასის მეუღლის რუსეთის მიმართულებით ბიზნეს-საქმიანობის გარემოებების გამოსაძიებლად.
მიმდინარე წლის აგვისტოში, ესტონეთის საზოგადოებრივმა მაუწყებელმა (ERR) ინფორმაცია გაავრცელა, რომ კომპანია Stark Logistics-ი, რომელშიც კალასის მეუღლე ირიბად ფლობს 25%-იან წილს, რუსეთში აეროზოლური კონტეინერების ქარხანას ამარაგებს, რომელიც ეკუთვნის სხვა ესტონურ კომპანიას.
გავრცელებული ინფორმაციით, ომის დაწყებიდან დღემდე ქარხნის მომსახურებით კომპანიამ 1.5 მილიონი ევრო გამოიმუშავა.
კალასი, რომელიც ევროპულ ბიზნესებს მოსკოვთან კავშირების გაწყვეტისკენ მოუწოდებდა, რუსეთის მთავარი კრიტიკოსია ევროკავშირსა და ნატოში და ზოგიერთი მას ნატოს მომავალ გენერალურ მდივნად მიიჩნევდა.