საქართველოს საპარლამენტო დელეგაციის წარმომადგენლები ირლანდიაში ევროსაბჭოს წევრი ქვეყნების პარლამენტების თავმჯდომარეების კონფერენციაზე ევროკავშირის წევრი ქვეყნების სპიკერებთან შეხვედრებს განაგრძობენ. ფრაქცია „ქართული ოცნების“ თავმჯდომარის მოადგილემ, ირაკლი ჩიქოვანმა განმარტა რა საკითხები განიხილება შეხვედრებზე.
„რა თქმა უნდა, ვისაუბრებთ იმ რეკომენდაციების შესრულების პროგრესზე, რომლებიც საქართველოს აქვს და იმ მნიშვნელოვან გადაწყვეტილებაზე, რომელიც წლის ბოლოს უნდა იყოს მიღებული. ჩვენი ამოცანაა, რაც შეიძლება მეტმა ჩვენმა კოლეგამ იცოდეს იმ რეფორმების შესახებ, რომლებსაც ქვეყანაში ვატარებთ. მეორე მხრივ, მინდა ასევე ხაზი გაუსვა იმას, რომ აქამდე ჩატარებული შეხვედრების დროს ჩვენ ერთმნიშვნელოვნად მივიღეთ მხარდაჭერა და ყველას კარგად ესმის, რომ საქართველო იმსახურებს კანდიდატის სტატუსს და პოზიტიური გადაწყვეტილება უნდა იყოს მიღებული დეკემბერში“, – განაცხადა ჩიქოვანმა.