ამერიკელი გადასახადის გადამხდელების ფული USAID-მა მისცა კონკრეტულ ორგანიზაციას და რისთვის მისცა, ამაზე უმოკლეს დროში არის საჭირო განმარტებების გაკეთება, რომ არ დარჩეს სივრცე რამე დამაზიანებელი კითხვებისთვის, – განაცხადა საპარლამენტო უმრავლესობის წევრმა, არჩილ თალაკვაძემ საქართველოს პირველი არხის გადაცემაში „თავისუფალი ხედვა“ სტუმრობისას.
„ამ ყველაფერს გამოიყენებენ ჩვენი მეგობრობის მოწინააღმდეგეები და ამაზე დროულად უნდა გაკეთდეს განმარტება. თუმცა, რაც მოცემულობაა და ფაქტია, USAID-მა რომელი ორგანიზაციაც დააფინანსა, ის ორგანიზაცია ამ ფულს იყენებს ძალადობრივი, რევოლუციური სცენარის მოსამზადებლად“, – აღნიშნა თალაკვაძემ.
მისი თქმით, ჯერჯერობით, საქართველოში არ ჩამოსულა აშშ-ის ახალი ელჩი და თუ ვინმემ ამ პირობებში გადაწყვიტა, რომ ამ საკითხზე საზოგადოებას განმარტება არ სჭირდება, ეს ძალიან ცუდია.