ევროპული საბჭოს პრეზიდენტი შარლ მიშელი, საფრანგეთის პრეზიდენტი ემანუელ მაკრონი და გერმანიის კანცლერი ოლაფ შოლცი გრანადაში სომხეთის პრემიერ-მინისტრ ნიკოლ ფაშინიანს შეხვდნენ. ინფორმაციას ამის შესახებ ევროპული საბჭო ავრცელებს.
მხარეებმა ხაზგასმით აღნიშნეს ურყევი მხარდაჭერა სომხეთის დამოუკიდებლობის, სუვერენიტეტის, ტერიტორიული მთლიანობისა და საზღვრების ხელშეუხებლობის მიმართ.
მათ ასევე გამოხატეს მხარდაჭერა ევროკავშირსა და სომხეთს შორის ურთიერთობების გაძლიერების მიმართ. მხარეები ასევე შეთანხმდნენ სომხეთისთვის დამატებითი ჰუმანიტარული დახმარების გაწევის აუცილებლობაზე.
“ისინი კვლავ რჩებიან ერთგულები ყველა ძალისხმევისა, რომელიც მიმართულია სომხეთსა და აზერბაიჯანს შორის ურთიერთობების ნორმალიზების, ერთმანეთის სუვერენიტეტის, საზღვრების ხელშეუხებლობის და ტერიტორიული მთილიანობის საფუძველზე, როგორც ეს აღნიშნული იყო პრეზიდენტ მიშელის 2023 წლის 15 მაისის და 15 ივლისის განცხადებებში”, – აღნიშნულია განცხადებაში.
ლიდერები ასევე გამოდიან უფრო დიდი რეგიონული თანამშრომლობისა და ყველა საზღვრის გახსნის მოწოდებით, მათ შორის სომხეთსა და თურქეთს შორის.