„ნაცმოძრაობაში“ გადავიდნენ აქციების ახალ ეტაპზე, უკვე ერთმანეთს უწყობენ აქციებს, – ამის შესახებ ფრაქცია „ქართული ოცნების“ თავმჯდომარის მოადგილე რატი იონათამიშვილმა განაცხადა.
„სინამდვილეში, ამ აქციებს საკუთარი სპონსორებისთვის მართავენ, ვინც უფრო მეტ ადამიანს შეკრებს, კეზერაშვილმა ნაძარცვი ფულით ის დააფინანსოს. ამაზე მიდის სინამდვილეში ნადირობა, არც საკუთარი პარტია აინტერესებთ, მითუმეტეს არც ქვეყანა და არც მიმდინარე პროცესები“, – აღნიშნა იონათამიშვილმა.
„ნაცმოძრაობის“ ყოფილი თავმჯდომარე ნიკა მელია, რომელიც პარტიის წევრებთან კონსულტაციებს 7 ოქტომბერს გეგმავდა, იმავე დღეს ჩანიშნული აქციის გამო, ახალ მენეჯმენტს პარტიის გახლეჩის მცდელობაში ადანაშაულებს.
კომენტარები