„ნაცმოძრაობის“ ყოფილი თავმჯდომარე ნიკა მელია დღეს საკუთარ გეგმას წარადგენს.
მან პარტიის წევრები დაგეგმილ საკონსულტაციო შეხვედრაზე მიიწვია. ჯერ ისევ უცნობია, მელია რჩება თუ არა „ნაციონალურ მოძრაობაში“.
პრეზენტაციებამდე კეთდება პოლიტიკური შეფასებები. ოპოზიციის ნაწილისთვის ნიკა მელია ნაკლებად საინტერესოა. მმართველ გუნდში კი ამბობენ, რომ „ნაციონალური მოძრაობა“ როგორც პარტია უკვე დასრულებულია.
„ნაციონალური მოძრაობის“ წევრმა, ნიკა მელია სოციალურ ქსელში დაწერა, რომ პარტიის ახალმა მენეჯმენტმა „მოსვლიდან ხუთ დღეში დაივიწყა თავისი დაპირება, დაპირება, რომელზეც ბევრი ემოციური, ერთგული მხარდამჭერი წამოაგო, უთხრა, რომ მიშას თავისუფლება რეჟიმის შეცვლის გარეშეა შესაძლებელი. გავიდა ცხრა თვე და არ გვინახავს ერთი გადაკეტილი ქუჩა, არ გვინახავს ერთი მასშტაბური აქცია. ბოლო უმასშტაბო აქცია კი „ვივამედთან“ სამი თვის წინ ვიხილეთ“.